За казённы кошт вырашылі паправіць сваё матэрыяльнае становішча трое жыхароў Талачынскага раёна. Паведамляе УУС Віцебскага аблвыканкама. Мужчыны 1963, 1973 і 1974 года нараджэння аблюбавалі склад аднаго з сельгаспрадпрыемстваў, які знаходзіцца на наводшыбе. Вывучыўшы графік перамяшчэння вартаўніка, тройца стала залазіць ва ўнутр аб’екта і выносіць адтуль камбікорм.
Скрадзенае падазраваныя збывалі ў суседніх вёсках па заніжанай цане. За некалькі паходаў вяскоўцы вынеслі са склада амаль паўтары тоны камбікорму на суму больш за 1500 рублёў. Паходы за казённай маёмасцю спынілі супрацоўнікі міліцыі. У дачыненні да падазроных распачата крымінальная справа па частцы 2 артыкула 205 КК Рэспублікі Беларусь (Крадзеж).
