Віцебскія мытнікі выявілі буйную партыю аўтазапчастак, не пазначаную ў дакументах, паведамілі на Віцебскай мытні. Фура Scania ехала з Літвы праз пункт мытнага афармлення "Брэміна-Орша". Паводле таварасуправаджальных дакументаў, якія кіроўца прадставіў мытнікам для афармлення, у грузавым адсеку аўто перамяшчаўся зборны груз з запасных частак для аўтамабіляў, піша Белта. Аднак пры даглядзе віцебскія мытнікі выявілі яшчэ больш за 4,5 тыс. адзінак аўтазапчастак, не ўказаных у дакументах, на суму амаль Br70 тыс.
Па дадзеным факце Віцебскай мытняй пачаты адміністрацыйны працэс у адпаведнасці з ч.1 арт.14.5 КоАП Беларусі. Санкцыя артыкула прадугледжвае накладанне штрафу ў памеры да 30% ад кошту прадмета адміністрацыйнага правапарушэння.
